Osloda Halyqaralyq ıadrolyq synaqtarǵa qarsy is-qımyl kúni atap ótildi
ASTANA. QazAqparat - 7 qyrkúıekte Oslo qalasynda Tómen baıytylǵan ýran bankin (TBÝB) Qazaqstanda qurý týraly Qazaqstan Respýblıkasy jáne MAGATE arasyndaǵy kelisimge qol qoıýǵa jáne 29-shy tamyzda Halyqaralyq ıadrolyq synaqtarǵa qarsy is-qımyl kúnin atap ótýge baılanysty saltanatty qabyldaý ótti, dep habarlady QR SІM baspasóz qyzmetinen.
Іs-sharaǵa Norvegııanyń SІM qyzmetkerleri, Norvegııanyń saıası, isker, qoǵamdyq jáne sarapshylar tobynyńi iri bıznes ókilderi, sonymen qatar «Thor Energy» korporatsııasynyń dırektorlar keńesiniń tóraǵasy, «Statoil» kompanııasynyń, DNB bankiniń, «Industrifinans» ınvestıtsııalyq qorynyń basshylary qatysty.
QR Norvegııadaǵy Elshisi Qaırat Ábýseıitov is-sharany asha otyryp, Qazaqstan ıadrolyq qarý synaqtaryn toqtatý baǵytynda dáıekti túrde jumys isteıtinin jáne halyqaralyq deńgeıde qaýipsizdik salasyndaǵy ár túrli bastamalardy alǵa jyljytatynyn aıtty. Olardyń qatarynda - ıadrolyq qarýdan bas tartý, Semeı polıgonyn jabý, BUU Bas Assambleıasynyń qoldaýyn tapqan 29 tamyzdy halyqaralyq ıadrolyq synaqtarǵa qarsy is-qımyl kúni dep jarııalaý týraly bastamasy, ATOM jobasy, Ortalyq Azııada ıadrolyq qarýdan azat aımaqty qurý.
