Osloda EQYU PA jyl saıynǵy 19 sessııasynda Qazaqstannyń EQYU-daǵy tóraǵalyq etýine joǵary baǵa berildi

dep habarlaıdy Senattyń baspasóz qyzmeti.

Ashylý saltanatynda sóz alǵan EQYU PA Tóraǵasy Joao Soaresh «Qazaqstan óz tóraǵalyǵyn erekshe qarqynmen júrgizip keledi»,-dep atap ótti.

Sessııaǵa qatysýshylar bıylǵy mamyr aıynda Almatyda bolǵan Transazııalyq parlamenttik forým qorytyndylaryn talqylady. Parlamentshiler atap ótkendeı, Almaty keńesinde aıtylǵan usynystar men ıdeıalar Norvegııa astanasynda ótken Assambleıa sessııasynda qabyldanatyn jekelegen qararlardyń jobalarynda kórinis tabatyn bolady.

EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaevtyń úndeýin EQYU Bas hatshysy Mark de Brıshambo oqyp berdi.

Jalpy otyrys barysynda Qyrǵyzstandaǵy jaǵdaıǵa arnalǵan arnaýly pikirsaıystar boldy.

Bul taqyryp boıynsha Mark P. de Brıshambo, EQYU az ulttar isteri jónindegi Joǵarǵy komıssary Knýt Vollebek, Assambleıanyń Ortalyq Azııa jónindegi arnaıy ókili Kımmo Kılıýnen jáne Qyrǵyzstan Ýaqytsha úkimeti delegatsııasynyń basshysy Omýrbek Tekebaev baıandama jasady.

Parlamenttik qoǵamdastyq 27 maýsymda Qyrǵyzstanda bolǵan referendým nátıjelerine, sondaı-aq qazirgi kezde talqylanyp jatqan Qyrǵyzstanǵa polıtsııanyń jedel toptaryn jiberý týraly EQYU-nyń bastamasyna nıettestigin bildirdi.

Kórshi eldegi jaǵdaıdy retteý jónindegi sharalar aıasynda EQYU-nyń Іs basyndaǵy tóraǵasy retindegi Qazaqstannyń kúsh-jigeri atalyp ótildi.

Odan basqa EQYU PA Turaqty komıteti Assambleıanyń is basyndaǵy Bas hatshysy Olıver Spenserdi (AQSh) kezekti 5 jylǵy merzimge kópshilik daýyspen qaıta saılady.