Óskenbaev: Jańa elektrolız jáne mys balqytý zaýytyn salý máselesi pysyqtalýda

NUR-SULTAN. QazAqparat – Elimizde jańa elektrolız jáne mys balqytý zaýytyn salý máselesi pysyqtalyp jatyr. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Negizgi metaldarǵa álemdik suranys ósýde. Elimizde búgingi kúni eksportqa baǵyttalǵan sazbalshyq jáne mys kontsentraty boıynsha úlken shıkizat áleýeti bar Qazir el ishinde óndiriletin barlyq sazbalshyq men mys kontsentratyn óńdeıtin jańa elektrolız jáne mys balqytý zaýytyn qurý máselesin pysyqtap jatyrmyz», - dedi mınıstr.

Onyń atap ótýinshe, atalǵan zaýyttar bastapqy metaldar óndirisiniń kólemin ulǵaıtýǵa, orta jáne uzaqmerzimdi perspektıvada otandyq qaıta óńdeýshiler shıkizatynyń qajetti kólemimen qamtamasyz etýge jáne olardy ótkizýden túsetin eksporttyq paıdany ulǵaıtýǵa múmkindik beredi.

«Jumys qorytyndysy boıynsha osy jyldyń mamyr aıynda Úkimetke jańa óńdeý óndiristerin qurýdy yntalandyrý boıynsha naqty is-sharalar kesheni engiziledi», - dedi Qaıyrbek Óskenbaev.