Óskemenniń burynǵy prokýrory ne sebepti qyzmettik tekserýge ilikti
ASTANA. KAZINFORM — QR Bas prokýrorynyń orynbasary Ǵalymjan Qoıgeldıev Óskemenniń burynǵy prokýrory Tımýr Chakpantaev qyzmetinen ne úshin bosatylǵanyn túsindirdi.
- Qyzmettik tekserý qorytyndysy boıynsha Óskemen prokýrory qyzmetinen bosatyldy. Ol jumys tártibin buzǵan. Osy oraıda biraz másele kóterilip, jumystan shyǵaryldy, - dedi Ǵ. Qoıgeldıev Senattyń jalpy otyrysynan keıin tilshiler suraǵyna jaýap bere otyryp.
Eske salsaq, jaqynda Óskemen qalasynyń jańa prokýrory bolyp Rýslan Álishev taǵaıyndaldy.
Aıta keteıik, Óskemenge jańa prokýror burynǵy basshy Tımýr Chakpantaev ýaqytsha qyzmetinen shettetilgennen keıin taǵaıyndalyp otyr. Qyzmettik tergeý júrgizilip jatqan T.Chakpantaevqa ózine baǵynyshty qyzmetkerlerdi soqqyǵa jyqty degen aıyp taǵylǵan.