Óskemenniń jaǵajaılary jańa shomylý naýqanyna daıyn emes
ÓSKEMEN. QazAqparat - Shyǵys Qazaqstan óńirinde 1 maýsymnan bastap, shomylý naýqany resmı túrde ashyldy. Alaıda tótenshe jaǵdaılar salasy qyzmetkerleriniń málimetterinshe, Óskemendegi úsh jaǵajaıdyń bireýi de jańa naýqanǵa daıyn emes bolyp shyqty, dep habarlaıdy QazAqparat.
Bul týraly óńirlik ortalyq kommýnıkatsııalar qyzmetinde ótken brıfıngte Shyǵys óńirlik aeroutqyr jedel-qutqarý otrıadynyń ókilderi habarlady.
Oblystyń sýdan-qutqarý qyzmetiniń mamany Anatolıı Rojkovtyń sózinshe, olar qyzmet etetin mekeme ókilderi jaǵajaılardy teksergen. Sonda anyqtaǵany ıeleri tıisti jumystarmen aınalysyp jatqanymen jaǵajaılardy jańa naýqanǵa ýaqytynda daıyndap úlgermegen.
Qalanyń aýmaǵynda úsh jerde sýǵa túsýge ruqsat berilgen. Olar: Sol jaǵalaýdaǵy saıabaq mańyndaǵy kógildir kólder aýmaǵy, Oktıabrskıı aýylyndaǵy qalalyq jaǵajaı men rýdalyq emes metaldar kombınatynyń jany. Sońǵysy jýyrda ǵana ıesiz qaldy. Sot ókilderi onyń ıesin jaǵajaıdy talapqa saı ustamaǵany úshin jalǵa alý quqyǵynan aıyrǵan bolatyn. Osyǵan baılanysty atalmysh oryn ázirge paıdalanýǵa berilgen joq.
Shomylý naýqany búginderi ashylatyndyǵyna qaramastan óńirde 6 adam sýǵa batyp ketti. Olardyń ekeýi balalar, dep habarlady tótenshe jaǵdaılar salasynyń ókilderi.
