Óskemenniń tramvaı parki qalpyna keltiriledi
ASTANA. QazAqparat - Óskemen qalasynyń tramvaı parki jelisi úsh esege ulǵaıtylatyn bolady. Bul týraly búgin QR Ortalyq kommýnıkatsııalar qyzmetindegi brıfıngte óńir basshysy Danıal Ahmetov málim etti, dep habarlaıdy QazAqparat.
«Óskemen qalasy tramvaıynyń tarıhy tereńde jatyr. Búginde tramvaı parki tyǵyryqqa tirelip otyr desek te bolady. Atalǵan parktiń ıesi Ýspenskıı myrza jartylaı bankrottyq jaǵdaıda. Qazirgi ýaqytta jelige sonaý Keńestik dáýirden qalǵan 7-9 tramvaı ǵana shyǵyp júr», - dedi ol.
Osy rette ShQO ákimi qalanyń tramvaı parkin damytý josparymen de bólisti.
«Biz qazirgi ýaqytta jobasyn daıyndap qoıdyq. Taıaý ýaqytta tramvaılar sanyn úsh esege arttyryp, syrt kelbetin qalpyna keltiretin bolamyz. Bul problemany bilemiz, ony qalaı sheshý qajet ekendigin de túsinemiz. Úshinshi toqsannyń sońyna deıin bul problema naqty sheshiledi. Qala turǵyndary 3 ese kóp tramvaılardy paıdalana bastaıdy», - dedi Ahmetov.
Óńir basshysynyń sózine qaraǵanda bul jobany júzege asyrýdyń zańdyń protsedýralary ǵana qalyp otyr. Ony TsentrKredıt banki júrgizýi qajet.
