Óskemenniń temirjol vokzalyn múmkindigi shekteýli jandarǵa beıimdeıdi
ASTANA. QazAqparat - «Óskemen-1» vokzaly keler jyly kúrdeli jóndelip, múmkindigi shekteýli jandarǵa arnalǵan qondyrǵylar ornatylady, dep habarlaıdy QazAqparat YK-news.kz-ke silteme jasap.
Vokzal ǵımaratynda jýyrda ǵana jóndeý jumystary júrgizilgen bolatyn. Degenmen, ózdiginen júrip-turýǵa qınalatyn jandarǵa qolaılylyq jaǵy qarastyrylmaǵan.
«2019 jyldyń qańtarynda «Óskemen-1» stansasynda «Tsıfrlyq vokzal» jobasy iske asyrylady», - deıdi «Qazaqstan Temir Joly» UK» AQ fılıaly - «Semeı magıstraldyq jeli bólimi» dırektorynyń orynbasary Erlan Bıtemirov. Onyń aıtýynsha, joba aıasynda vokzaldar vandaldarǵa qarsy kómek shaqyrý batyrmalarymen, taktıldi pıktogrammamen, ǵımaratqa arnalǵan taktıldi-dybystyq syzbalarmen, jolaýshylarǵa arnalǵan shuǵyl baılanys qondyrǵylarymen, Braıl álippesine negizdelgen bederli taqtamen, navıgatsııa monıtorlarymen, arbalardy vagonǵa shyǵaratyn kótergishtermen jabdyqtalady.
