Óskemenniń oqýshylary 2067 jylǵa hat jazyp qaldyrady
ASTANA. QazAqparat - Óskemendegi Nazarbaev zııatkerlik mektebiniń oqýshylary 2067 jylǵy oqýshylarǵa hat jazyp qaldyrad, dep habarlaıdy altaynews.kz .
Olar hatty «Baspa úıi» formatynda uıymdastyrylǵan jazǵy mektep jumysy kezinde ázirleıdi. Uıymdastyrýshylardyń paıymdaýynsha, balalar «Óner». «Ǵylym», «Álem jáne mádenıet» sııaqty birneshe baǵytta jumys isteıdi. Olar mekteptiń, el men álemniń damý joldaryn ártúrli qyrynan qarap, bolashaqqa hat jazarda synı oılap ári kreatıvti bolýlary qajet. Sol arqyly bolashaqqa kóz salý oqýshylardyń ózderin de qyzyqtyrǵan syńaıly. Aqyr sońynda olar elý jyldan keıingi qurbylaryna hat jazyp tastap ketpek.
Oqýshylar ózderiniń jetekshilerimen kóbirek ári naqty derekter jınaý maqsatynda mektepke mamandardy shaqyrady, ádebıetterdi oqıdy, túrli erlerdi aralaıdy. Jınaǵan málimetterin óńdep, mátin túzedi. Sheteldik jáne otandyq jetekshilerimen jáne 11 synyptyń eriktilerimen jumys istegen balalar maqalalaryn úsh tilde: qazaq, aǵylshyn, oryssha jazyp, sýret pen beınematerıaldarmen tolyqtyrady.
«Jınalǵan málimetter kapsýlaǵa ornalastyrylyp, mekteptiń jańa ǵımaratynyń aýlasyna kómiledi, ony 50 jyldan keıin ashyp, oqyǵandar qazirgi adamdardyń qalaı ómir súrgeninen habardar bolady», - deıdi mektep dırektory Kúlfarıda Raıysova.
