Óskemenniń maı zaýytyndaǵy jarylys: Komıssııa jumysy uzartyldy
ASTANA. QazAqparat - Óskemenniń «Maı» zaýytyndaǵy jarylystyń sebep-saldaryn anyqtap jatqan komıssııanyń jumysy uzartyldy, dep habarlaıdy QazAqparat altaynews.kz saıtyna silteme jasap.
Maı zaýytyndaǵy jarylysqa baılanysty oqıǵa ornynda jumys istep jatqan tergeý komıssııasynyń jumysy uzartyldy. Buǵan deıin atalǵan komıssııa jumysy 10 kún ishinde aıaqtalyp, qorytyndysy jarııalanady dep málimdengen edi. Alaıda, belgili bolǵandaı, tergep-tekserý jumystary áli de jalǵasyp jatyr.
«Komıssııanyń jumysy jalǵasyp jatyr. Apattyń naqty sebebi týraly aıtý ázirge erte. Zardap shegýshilerge ótemaqy mólsheri tek resmı sheshim shyǵarylǵan soń ǵana belgilenedi», - dedi Indýstrıaldy ónerkásiptik qaýipsizdik komıteti departamentiniń bólim basshysy Ramıl Bolatqan.
Esterińizge salsaq, jeltoqsan aıynyń sońynda maı zaýytynda jarylys bolyp, 2 jumysshy zardap shekti. Olardyń biri - Alekseı Stolıarov aýrýhanada kóz jumdy. Kásiporyn basshylyǵy marqumnyń otbasyna ómir boıy kómek kórsetýge ýáde bergen edi.
