Óskemenniń eki turǵynynan 7 keli esirtki tárkilendi
SEMEI. QazAqparat - Shyǵys Qazaqstan oblysynda 7 keli marıhýanany tasyǵan jolaýshylar ustaldy, dep habarlaıdy QazAqparat oblystyq ІІD baspasóz qyzmetine silteme jasap.
ShQO ІІD esirtkimen kúres bóliminiń qyzmetkerleri jedel aldyn alý sharasy kezinde zańsyz esirtki saýdasymen aınalysqan azamattardy ustady. Polıtsııa qyzmetkerleri 29 jastaǵy azamat tizgindegen kólikti toqtatyp, salonyna tekserý júrgizgen. Tintý barysynda jolaýshylarǵa tıesili jalpy salmaǵy 7 keli marıhýana tárkilengen. Esirtkini alyp bara jatqan 27 jáne 42 jastaǵy azamattar - oblys ortalyǵynyń turǵyndary.
«Eki azamat óz kinálaryn moıyndady. Qazir olar ýaqytsha qamaýǵa alyndy. QR Qylmystyq kodeksiniń 296-baby boıynsha sotqa deıingi tergeý júrip jatyr» delingen ІІD taratqan málimette.
Foto: sakhalife.ru
