Óskemenniń eki turǵyny kópirden sekirmek bolǵan áıeldi qutqardy
ÓSKEMEN. QazAqparat – Óskemen qalasynyń eki turǵyny kópirden sekirmek bolǵan áıeldi qutqaryp qaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 1966 jylǵy áıel kópirden ózenge sekirip, ómirin ólimge qımaq bolǵan. Qutqarýshylar oqıǵa ornyna qaıyqpen shyqty.
«Sol mańaıdan kólikpen ótip bara jatqan Dıdar Adıkov kópirdiń jaqtaýynda turǵan áıeldi baıqap qalǵan. Birden toqtap, oǵan kómekke umtyldy. Sýıtsıdtiń aldyn alýǵa kómektesken taǵy bir azamat boldy. Ekeýi áıeldi polıtsııa qyzmetkerlerine tapsyrdy», - delingen habarlamada.
Aıta keteıik, Dıdar Adıkov «ÝK TMK» AQ-da kranshy bolyp jumys isteıdi. Al ekinshi adam kómek kórsetken soń óz derekterin qaldyrmaı, «Gazel» avtokóligimen ketip qalǵan.
