Óskemenniń burynǵy ákimi Vera Sýhorýkova ómirden ozdy
ÓSKEMEN. QazAqparat - Óskemen qalasynyń burynǵy ákimi Vera Sýhorýkova dúnıeden ótti, dep habarlaıdy QazAqparat.
Bul jaıynda qazirgi qala ákimi Jaqsylyq Omar óziniń Instagram paraqshasynda málim etti.
«Búgin keshkisin Óskemen qalasynyń qurmetti azamaty Vera Nıkolaevna Sýhorýkova mezgilsiz dúnıeden ótti. Vera Nıkolaevnanyń jaqyndary men týǵan-týystaryna qaıǵyryp kóńil aıtamyn. Ákimdikte marqummen qoshtasý jáne jerleý rásimin uıymdastyrý úshin arnaıy komıssııa quryldy. Onyń jaı-japsaryn keıinirek habarlaımyz» dep jazdy Jaqsylyq Omar.
Vera Sýhorýkova 1951 jyldyń 10 tamyzynda Shyǵys Qazaqstan oblysy Shemonaıha aýdanynda týǵan.
1973 jyly Óskemen qalasyndaǵy qurylys-jol ınstıtýtyn bitirip, «ınjener-ekonomıst» mamandyǵyn alyp shyqqan.
1973-1996 jyldar aralyǵynda qazirgi Qaraǵandy oblysynda aǵa ekonomıst, nusqaýshy, qalalyq komıtet basshysy, oblystyq atqarýshy komıteti tóraǵasynyń orynbasary, Jezqazǵan oblysy ákiminiń orynbasary sekildi birqatar qyzmetterdi atqardy.
1996-1999 jyldar aralyǵynda Shyǵys Qazaqstan oblysy ákiminiń birinshi orynbasary, oblystyq ekonomıka basqarmasynyń bastyǵy, «ABS-Shyǵys» JShS jetekshisi boldy.
1999-2003 jyldary Óskemen qalasyn basqardy.
2003-2004 jyldary - Shyǵys Qazaqstan oblysy ákiminiń orynbasary.
2007-2014 jyldary - «Ertis» ÁKK» UK» AQ basqarma tóraǵasynyń orynbasary.
2014 jyldan beri «Azııa Avto» AQ basqarma tóraǵasynyń orynbasary laýazymyn atqaryp keldi.
Vera Sýhorýkova 2004-2007 jyldary Májilis depýtaty bolǵan.
«Qurmet» ordeniniń jáne «Altyn barys» tósbelgisiniń ıegeri.
