Óskemenniń «Altaıy» voleıboldan Azııa klýbtyq chempıonatyn jeńispen bastady
Qazaqstan chempıony qurlyqtyq dodada «V» tobynda «Liaoning Donghua VC» (Qytaı), «Diamond Food Fine-Chef Sport Club» (Taıland), «Khuvsgul Erchim VC» (Mońǵolııa), «Hip Hing VB Club» (Gonkong) komandalarymen baq synaıdy.
ıÝrıı Panchenko jattyqtyratyn óskemendik arýlar (komanda kapıtany, Oral voleıbolynyń túlegi Sana Anarqulova) alǵashqy oıynyn óz tobyndaǵy myqtylardyń biri Taılandtyń «Diamond Food Fine-Chef Sport Club» klýbymen ótkizdi.
Ótken jyly Semeıde «Altaı» dál osy komandany toptyq básekede 3:0 esebimen tize búktirgen edi.
Bul joly match múlde ózgeshe órbidi. Alǵashqy eki partııada taılyq klýb 25:21, 25:19 esebimen basym tústi. Óskemendikterge jeńilip qalý qaýpi tóndi. Degenmen ıÝ.Panchenko oıynshylardy almastyryp, básekege tyń serpin qosa bildi. Budan keıin qazaqstandyqtar 25:22, 25:14, 15:11 esebimen bes partııada jeńiske qol jetkizdi. Osylaısha, bastapqy eki upaıyna ıe boldy. Erteń ıÝ.Panchenko shákirtteri mońǵolııalyq klýbpen alańǵa shyǵady.
Qazaqstan voleıbol federatsııasynan alynǵan málimetke qaraǵanda, «Altaı» osyǵan deıin klýbtyq Azııa chempıonatyna alty márte qatysyp, sonyń ekeýinde jeńimpaz atanyp, bir ret qola júldeni qanaǵat tutqan edi.
Vetnamdaǵy dodanyń toptyq kezeńi bes kúnge sozylady. Óz toptarynda birinshi jáne ekinshi oryn alǵan klýbtar jartylaı fınalǵa shyǵady. Al qalǵan bes komanda 5-9 oryndardy sarapqa salatyn bolady. Fınal men úshinshi oryn úshin ótetin match 2 mamyrǵa josparlanǵan.
Eske sala keteıik, budan buryn «Altaı» komandasynyń qatarynan jetinshi ret Qazaqstan chempıony atanǵanyn jazǵan bolatynbyz.