Óskemennen Novosibirge bara jatqan avtobýs Reseıde eki kólikpen soqtyǵysyp, 4 adam kóz jumdy
ASTANA.QazAqparat - Óskemennen Novosibirge baǵyt alǵan avtobýs Reseıdiń Topchıhınskıı aýdanynda eki kólikpen soqtyǵysyp, onyń saldarynan jeńil avtokóliktegi 4 adamkóz jumdy, dep habarlaıdy «QazAqparat» HAA tilshisi RF Altaı aımaǵynyń ІІD resmı saıtyndaǵy habarlamaǵa silteme jasap.
Reseıdegi vedomstvonyń habarlaýynsha, jol-kólik oqıǵasy búgin saǵat 06:45 shamasynda «A-322» avtojolynyń 106 shaqyrymynda (Topchıhınskıı aýdany) jol-kólik oqıǵasy tirkelgen.
«Aldyn ala belgili bolǵandaı, 1995 jylǵy «Toıota» avtokóliginiń júrgizýshisi Barnaýyl qalasynan Aleıska qalasyna qaraı bara jatyp, kólik tizginine ıe bola almaı, joldyń qarama-qarsy betine shyǵyp ketken. Budan keıin «Toıota» júrgizýshisi Óskemen - Novosibir baǵytynda reısti oryndap kele jatqan «Foton» avtobýsymen soqtyǵysqan. Barnaýylǵa baǵyt alǵan Avtobýsty 1963 jylǵy azamat júrgizip kele jatqan. Soqtyǵys saldarynan avtobýs ta joldyń qarsy betine shyǵyp ketip, Aleıska qalasyna bet alǵan «Reno» avtokóligine soqtyǵysqan», - delingen málimet kózinde.
Jol-kólik oqıǵasy saldarynan «Toıota» avtokóliginde otyrǵan júrgizýshi men 1993, 1986, 1994 jylǵy azamattar qaıtys bolǵan. «Reno» kóliginiń ishindegi 1990 azamat jáne 1980 jylǵy áıel ár túrli dene jaraqattarymen aýrýhanaǵa jetkizilgen.
«Avtobýsta jolaýshylary zardap shekken joq. Qazirgi ýaqytta tártip saqshylary oqıǵanyń mán-jaıyn anyqtaý ústinde», - delingen habarlamada.
