Óskemenge jolǵa shyqqan júkti kelinshek poıyzda qyz bosandy
ASTANA. KAZINFORM — «Almaty — Óskemen» poıyzynda Almaty turǵyny qyz bosandy.
Jas ana Jansaıa Kókenova júktiliktiń sońǵy aıynda Almatydan Óskemenge № 352 poıyzben jolǵa shyqqan.
Poıyz jóneltilgennen keıin Ekasha–Aıyrtaý stansalary arasynda jolaýshynyń tolǵaǵy bastalady.
Vagon jolserigi Baǵdagúl Ábdáqulova jáne poıyz brıgadasynyń basqa da qyzmetkerleri qajetti kómek kórsetip, aman-esen bosandyryp aldy.
Qyz bala 7 aqpan saǵat 13:30–da dúnıege keldi.
Poıyz brıgadasy laýazymdyq nusqaýlyqqa sáıkes jaqyn mańdaǵy stansaǵa jedel járdem shaqyrdy.
Vagonda bosanǵan áıelge kómek kórsetý úshin búkil qajetti jaǵdaı jasaldy.
Óskemen stansasyna kelgennen keıin qyzdy anasymen birge jedel járdem qyzmetkerleri alyp ketti.
Jolserik Baǵdagúl Ábdáqulova temirjolda 23 jyldan astam jumys istep keledi.
Bul oqıǵa onyń tájirıbesinde birinshi ret bolyp otyr. Poıyz jolseriginiń aıtýynsha, bundaı oqıǵada járdemdesý úlken jaýapkershilikti talap etedi.
Aıta keteıik, poıyz brıgadasynyń qyzmetkerleri standartty emes jaǵdaıda alǵashqy medıtsınalyq kómek kórsetý boıynsha turaqty negizde oqytýdan ótedi.
Sońǵy 3 jylda «Jolaýshylar tasymaly» AQ poıyzdarynda 12 bala dúnıege keldi.
