Óskemenge jańa tramvaılar satyp alynady
ÓSKEMEN. QazAqparat – Óskemen qalasynda jańa tramvaılar qatynaıtyn boldy, dep habarlaıdy QazAqparat tilshisi.
Qala ákimi Jaqsylyq Omardyń málimetine súıensek, kelesi jyly jańa tramvaılar satyp alynady. Olar «Óskemen kólik kompanııasy» JShS-nyń qaramaǵyna berilmek.
«Bul tramvaı parkiniń jyljymaly quramyn kezeń-kezeńimen jańartýǵa jasalǵan alǵashqy qadam bolyp otyr. Jańa qoǵamdyq kólikter múmkindigi shekteýli azamattarǵa da yńǵaıly bolady. Sondaı-aq olar qysta salondaǵy jylýdy kúsheıtetin klımattyq baqylaý qondyrǵylarymen jabdyqtalady», - dedi qala basshysy.
Budan bólek, kelesi jyly kólik júrgizýshilerine yńǵaıly bolý úshin 40 oń jaq burylys jasalady. Osynyń nátıjesinde kólik keptelisi azaıtylmaq.
