Óskemenge jambyldyqtar 154 tonna aýylsharýashylyǵy ónimin jetkizedi
ASTANA. QazAqparat - Qazaqstan Táýelsizdiginiń 25 jyldyǵyna oraı jáne óńiraralyq yntymaqtastyqty nyǵaıtý maqsatynda 29 qazanda Óskemen qalasynyń ortalyq alańynda Jambyl oblysynyń aýyl sharýashylyǵy ónimderiniń jármeńkesi ótedi, dep habarlaıdy oblys ákiminiń baspasóz qyzmeti.
Áýlıeatalyq taýar óndirýshilerdiń qatysýymen ótetin aýyl sharýashylyǵy jármeńkesine jalpy quny 95,7 mln teńgeniń 154,3 tonnadan astam aýyl sharýashylyǵy taýarlaryn usynady.
Onyń ishinde 20 tonna et (jylqy, sıyr, qoı, shoshqa eti), 1,4 tonna taýyq eti, 5 tonna shujyq ónimderi, 16,2 tonna sút ónimderi, 5 myń dana jumyrtqa, 1,5 tonna kondıterlik ónimder men 6 tonna makaron ónimderi, 5 tonna qant, 0,5 tonna tuz, 5 tonna balyq, 1,2 tonna bal jáne 87,5 tonna jemis-jıdek pen kókónis ónimderi bar.
Jármeńkede usynylatyn taýar baǵalary naryq baǵasynan 5-20 paıyzǵa tómen bolady.
Sonymen qatar, Jambyl oblystyq fılarmonııasynyń ártisteriniń qatysýymen kontsert uıymdastyrylady.
