Óskemenge qaryzy bar adamdar men qylmyskerlerdi anyqtaıtyn baǵdarsham ornatyldy
ASTANA. QazAqparat - Jaıaý júrginshilerge arnalǵan aqyldy baǵdarshamdar qaryzy bar adamdardy, quqyq buzýshylar men izdeýdegi qylmyskerlerdi anyqtaıdy, dep habarlaıdy Altaınıýs.
Óskemen kóshelerine Іshki ister mınıstrliginiń bazasyna qosylǵan, jaıaý júrginshilerge arnalǵan, kamerasy bar baǵdarsham ornatyldy. Polıtsııa basqarmasy ókilderi aqyldy baǵdarshamnyń ázirge synaq rejıminde jumys isteıtinin málimdedi. Biraq quqyq qorǵaý organdary qyzmetkerleri «ǵajaıyp tehnıkaǵa» úlken úmit artyp otyr.
«Adam joldan ótip bara jatqanda, kameralar onlaın rejımde ІІM-niń bazasymen salystyryp, onyń kim ekenin anaqtaıdy. Bazada alıment tólemeıtinderden bastap, izdeýdegilerge deıin barlyq qylmyskerlerdiń tizimi bolady», - dep túsindirdi Óskemen qalalyq polıtsııa basqarmasynyń jol-tehnıkalyq ınspektsııa bóliminiń basshysy Sergeı Kovalenko.
Baǵdarsham arnaıy ortalyq alańǵa ornatylǵan, sebebi ol jaqtan adamdar joldan kóp ótedi. Sonymen qatar, jaqyn mańda polıtsııa statsıonar pýnkti bar. Al aqyldy tehnıka qylmyskerdi anyqtasa, bul týraly belgi dereý patrýl qyzmetkerlerine túsedi.
«Ázirge baǵdarsham quqyq buzýshylardy anyqtap úlgermedi, biraq bul ýaqyt máselesi. Bizdiń óńir úshin bul noýhaý. Sebebi oblys kólemindegi ózge qalalarda buǵan deıin osyndaı baǵdarsham ornatyldy degendi estimedim», - deıdi Kovalenko.
Aqyldy baǵdarsham kameramen ǵana jabdyqtalmaǵan. Sonymen qatar onyń qas qaraıǵanda avtomatty túrde qosylatyn úsh jaryq kózi bar. Sondyqtan ol jaıaý júrginshilerdi táýliktiń qaı mezgili bolmasyn, jazbaı tanı alady. ıAǵnı, 24 saǵat úzdiksiz jumys isteıdi.
