Óskemenge almatylyq tramvaılardyń alǵashqy legi jetkizildi
ÓSKEMEN. QazAqparat - Búgin Óskemenge Almatydan satyp alynǵan tramvaılardyń 5 vagony jetkizildi, dep habarlaıdy QazAqparat tilshisi.
Óskemendegi tramvaılar parki qaryzǵa belshesinen batyp, múlki satylymǵa shyǵarylǵan bolatyn.
Solaısha, tramvaı parki jekemenshikten «Ertis» áleýmettik kásipkerlik korporatsııasynyń ballansyna alynǵan edi.
Parktiń jańa qojaıyny eski vagondardyń bárin toqtatyp, ornyna Almatydan qoldanysta bolǵan vagondardy ákelý týraly sheshim qabyldaǵan. Sol vagondardyń alǵashqy legi búgin Óskemenge jetti.
«Vagon tıegen kólikter eki ortaǵa 4 kún júrdi. Ár vagonnyń salmaǵy 20 tonna. Taǵy 8 vagon kelýi tıis» - deıdi ákimdik ókilderi.
Aıta keteıik, «Ertis» áleýmettik kásipkerlik korporatsııasy -memlekettik bıznes-aktıvterdi basyn bir ortalyqqa biriktirgen uıym. Quryltaıshysy - Shyǵys Qazaqstan oblystyq ákimdigi, sáıkesinshe korporatsııanyń Dırektorlar keńesiniń tóraǵasy oblys ákimi Danıal Ahmetov.
