Óskemenge Almaty men Nur-Sultannan poıyz kún saıyn qatynaıtyn boldy
NUR-SULTAN. QazAqparat – Nur-Sultan jáne Almaty qalalarynan Óskemenge qatynaıtyn poıyzdardyń jıiligi artady. Bul týraly QazAqparat «QTJ» UK» AQ baspasóz qyzmetine silteme jasap habarlaıdy.
QR Vedomstvoaralyq komıssııasynyń 2021 jylǵy 16 maýsymdaǵy sheshimine jáne QR Indýstrııa jáne ınfraqurylymdyq damý mınıstrliginiń 2021 jylǵy 18 maýsymdaǵy hatyna sáıkes kelesi jolaýshylar poıyzdarynyń júrý jıiligi artady:
23 maýsymnan bastap №68/67 «Nur-Sultan Nurly jol – Óskemen-1» poıyzy aptasyna 1 ret qatynaýdyń ornyna kún saıyn júretin bolady.
№351/352 «Almaty-2 – Óskemen-1» kúnara qatynaýdyń ornyna kún saıyn qatynaıtyn bolady.
Jolaýshylar poıyzdarynyń qozǵalys kestesi boıynsha barlyq ózekti aqparatty «105» nómiri boıynsha, Bilet.railways.kz saıtynan jáne «Qazaqstan temir joly» UK» AQ akkaýnttarynan alýǵa bolady.
