Óskemenge Almatydan kelip, esirtki saýdalaǵan kýrer ustaldy
ÓSKEMEN.KAZINFORM - Shyǵys Qazaqstan oblysynyń polıtseıleri psıhotroptyq zattar satatyn ınternet-dúken kýreriniń qyzmetin toqtatty.
Óskemen qalasy polıtsııa basqarmasynyń esirtki qylmysyna qarsy is-qımyl bóliminiń qyzmetkerleri jaldamaly páterde turyp, esirtki zattaryn taratýmen aınalysqan 30 jastaǵy er adamdy ustady.
Ony tintý barysynda untaq tárizdi zaty bar 12 túıinshek jáne uıaly telefon tárkilendi. Páterdi tintý kezinde qosymsha taǵy bes uıaly telefon tabyldy. Zertteý nátıjeleri boıynsha tárkilengen zattyń jalpy salmaǵy 20 gramnan asatyn «a-PVP» psıhotroptyq zaty ekeni anyqtaldy. Bul qoldanystaǵy qylmystyq zańnamaǵa sáıkes iri mólsherge jatady.
- Kúdiktiniń 2026 jyldyń qańtar aıynda Almaty qalasynda Telegram messendjeri arqyly kýrer-jasyrýshy bolyp jumysqa ornalasqany anyqtaldy. Naýryz aıynyń basynda kýratordyń nusqaýymen ol Óskemenge kelip, baspana jaldap, tyıym salynǵan zattardy taratýmen aınalysqan, - dep habarlady ShQO polıtsııa departamentinen.
Qazirgi ýaqytta kúdikti ýaqytsha ustaý ızolıatoryna qamaldy. Sotqa deıingi tergeý amaldary júrgizilip jatyr.
Eske salsaq, osyǵan deıin Astanada esirtki taratýǵa qatysy bar saıttar buǵattalǵany habarlanǵan.