Óskemendikter Táýelsizdik monýmenti men Saǵadat Nurmaǵambetov atyndaǵy saıabaq mańyn tazalady
ÓSKEMEN. KAZINFORM — El aýmaǵynda júrgizilip jatqan «Taza Qazaqstan» respýblıkalyq ekologııalyq aktsııasynyń ekinshi aptasy ótip jatyr. Óskemen turǵyndary atalmysh sharaǵa belsene qatysyp, qorshaǵan ortany qorǵaýǵa atsalysýda.
Óńirdegi memlekettik qyzmetkerler, eriktiler, kolledj stýdentteri men jastar resýrstyq ortalyǵynyń mamandary, iri kásiporyndarynyń jumysshy jastary, saıası partııalardyń belsendi jastary ekologııalyq aktsııanyń «Kıeli meken» aptalyǵynda oblys ortalyǵyndaǵy Táýelsizdik monýmenti men Saǵadat Nurmaǵambetov atyndaǵy saıabaqtyń mańyn tazalady.
Sharaǵa 100-den astam adam qatysty.
– Aktsııa aıasynda kún saıyn senbilikter ótýde. Oǵan jastar belsendi qatysyp jatyr. Barlyǵyna alǵys aıtqym keledi. Aldaǵy ýaqytta kóshet egý jumystaryna da bir kisideı atsalysatyn bolamyz, - dedi ShQO volonterler front-ofısiniń jetekshisi Aıdos Ádilbekov.
