Óskemendikter medıtsınalyq ortalyq ǵımaratynyń sýyqtyǵyna shaǵymdandy

ÓSKEMEN. KAZINFORM — Óskemen qalasynyń turǵyndary mamandandyrylǵan medıtsınalyq ortalyq ǵımaratynyń sýyqtyǵyna narazylyq bildirdi.

Turǵyndardyń aıtýynsha, ǵımarat ishi tym sýyq. Sonyń saldarynan patsıentter birneshe kórpege qymtanyp jatady.

— Onyń ústine ortalyqta jóndeý jumystary júrgizilip jatyr. Keıbir naýqas dálizde jatýǵa májbúr, — deıdi olar.

Halyqtyń synyna mamandandyrylǵan medıtsınalyq ortalyqtan jaýap berdi.

— Ǵımarattyń elektr jelilerine kúrdeli jóndeý jumystary júrgizilýde. Sonyń aıasynda jaryqtandyrý panelderi tolyǵymen aýystyrylyp, energııa únemdeıtin shamdar ornatyldy. Mundaı aýqymdy jóndeý jumystary 1978 jyldan beri júrgizilmegen. Sondaı-aq dúısenbide dızeldik generator qondyrǵysyn ornatý jumystary aıaqtaldy. Jańa jabdyq gemodıalız, hırýrgııa bólimshelerin jáne klınıkalyq dıagnostıkalyq zerthanany jylýmen úzdiksiz qamtamasyz etedi. Qazirgi tańda jansaqtaý bólimine ekinshi dızel generatoryn ornatý jumystary jalǵasýda, — dep habarlady ortalyq ókilderi.

Eske salsaq, buǵan deıin Mańǵystaýda 280 dáriger jetispeıtindigi habarlanǵan.