Óskemendik medbıke Phýket-Almaty baǵytyndaǵy ushaqta allergııasy asqynǵan adamdy qutqardy

ÓSKEMEN. KAZINFORM – Phýket-Almaty baǵytyndaǵy ushaqta otyrǵan jas qyzǵa shuǵyl medıtsınalyq kómek qajet bolǵan. Sol kezde eńbek demalysynda bolǵan óskemendik medbıke Іńkár Seıilǵazına kómekke kelip, ony aman alyp qaldy.

Jolaýshylardy stıýardessanyń «bortta medıtsına qyzmetkeri bar ma?» degen suraǵy eleń etkizgen. Shyǵys Qazaqstan oblystyq gematologııa ortalyǵynyń medbıkesi Іńkár Seıilǵazına birden kómekke umtyldy.

«Qyzǵa jaqyndaǵan kezde ol allergııalyq reaktsııa - kvınke isiginiń belgilerin anyqtady. Borttaǵy dári-dármekter men quraldardy qoldana otyryp, talmany basatyn shuǵyl medıtsınalyq kómek kórsetti. Jolaýshy qyz Almaty áýejaıyna aman-esen jetti. Áýekompanııa ókilderi medbıkege kásibıligi úshin alǵys aıtty», - dep habarlady ShQO densaýlyq saqtaý basqarmasynan.

Іńkár Seıilǵazına – eńbek ótili 31 jyldan asatyn joǵary sanatty reanımatsııalyq medbıke. Ol hırýrgııa, reanımatsııa, kovıd bólimshelerinde jumys istegen tájirıbeli maman.

Aıta keteıik, Kvınkeniń isinýi nemese angıoedema – teriniń jáne teri astyndaǵy tinder aımaǵynda paıda bolatyn deneniń jedel qabyný reaktsııasy. Allergııalyq reaktsııa jeńil bórtpe túrinde kórinip, adamnyń ómirine qaýip tóndiretin aýyr zardaptarǵa ákelýi múmkin. Bul jaǵdaı shuǵyl medıtsınalyq kómekti qajet etedi.

Eske salsaq, osyǵan deıin qazaqstandyq qutqarýshylardyń reseılikterdi qutqarǵany habarlanǵan.