Óskemendikterge apta saıyn tegin zańgerlik keńes berilmek

ÓSKEMEN. QazAqparat – Óskemen qalasyndaǵy «Antikor ortalyǵy» servıstik ortalyǵynda aptasyna bir ret turǵyndarǵa tegin zańgerlik keńes beriledi, dep habarlaıdy QazAqparat.

Sybaılas jemqorlyqqa qarsy is-qımyl agenttiginiń ShQO boıynsha departamenti taratqan málimetke súıensek, «Antikor ortalyǵy» ǵımaratynda ár senbi saıyn saǵat 10.00-13.00 aralyǵynda «Adal komek» aktsııasy ótedi.

«Mundaǵy maqsat – dúıim jurtqa tegin quqyqtyq keńes berý. Kez kelgen suraqtar boıynsha 8(7232)29-88-29 nemese 1424 nómirine habarlasýǵa bolady», - dep habarlady departament mamandary.

«Antikor ortalyǵy» servıstik ortalyǵy Lıharev kóshesi, 2B mekenjaıynda ornalasqan.