Óskemendikterdiń shashtarynan ýly zattar tabyldy
ASTANA.QazAqparat - Ǵalymdar Óskemen qalasyndaǵy qorshaǵan orta jaǵdaıyna baǵa berý úshin qala turǵyndarynyń shashyn zerttedi, dep habarlaıdy QazAqparat Reseıdegi Tomsk memlekettik ýnıversıtetiniń saıtyna silteme jasap.
Taldaý nátıjeleri kórsetkendeı, óskemendikterdiń shashynda joǵary mólsherde tıtan kontsentraty, qorǵasyn jáne birneshe aýyr metaldardyń túrleri anyqtalǵan.
Ýnıversıtette jasalǵan zertteýge hımııa fakýlteti qyzmetkerleriniń avtorlyq ádistemeleri qoldanylǵan.
«Bizdiń zertteý 18-70 jas aralyǵyndaǵy áıel jáne er azamattardyń shashtaryna jasaldy. Shashtyń quramy adamǵa áser etetin joǵary mólsherdegi hımııalyq elementterdiń qospalaryn jaqsy kórsetedi. Taldaý nátıjeleri qala turǵyndarynyń shashynan tıtan, alıýmınıı, marganets, lıtıı, kaltsıı jáne barıı elementterin kórsetti-deıdi ǵalym Vladımır Otmahov.
Aıta ketsek, Óskemendegi eń úlken toksındi tuman 1990 jyly qaladaǵy berıllıı óndirisindegi órtke baılanysty shyǵarylǵan bolatyn.
