Óskemendikter ıÝlııa Galyshevany qarsy aldy
ÓSKEMEN. QazAqparat - Óskemendikter Phenchhanda ótip jatqan qysqy Olımpıada oıyndarynyń qola júldegeri ıÝlııa Galyshevany qarsy aldy, dep habarlaıdy QazAqparat.
XXIII Qysqy Olımpıada oıyndarynyń júldegeri ıÝlııa Galysheva Óskemenge ushyp keldi. Sportshyny jaqyn týystarymen birge jerlesteri qushaq jaıa qarsy aldy.
«Elimizdiń gımni shyrqalǵanda júregim týlap ketti. Jeńistiń dámin keshe Almatyǵa qonǵan kezde alǵash sezindim. Jarys boıynda otandastarymnyń qoldaýy, tilektestigi sezilip turdy. Barshańyzǵa rahmet» - dep qysqa qaıyrdy ol.
Phenchhan - ıÝlııa Galyshevanyń úshinshi olımpıadasy. Jeńip alǵan qola júldesi úshin oǵan memleketten 75000 dollar kóleminde syıaqy beriledi.
Sportshyny qaýmalaǵan top olımpıada júldegerimen sýretke túsip, qoltańba alýǵa múmkindik aldy. Bapkerleri ıÝlııa Galyshevany Japonııada ótetin álem kýboginiń saıysy kútip turǵanyn atady.
