Óskemendikter tegin taksıge aıyppul salǵandardyń áreketine narazylyq tanytty
ÓSKEMEN. QazAqparat - Óskemenniń ákimi Qýat Tumabaev qalalyq ІІB bastyǵyna aıaldamada tońyp turǵan adamdardy tegin jetkizip júrgen júrgizýshilerge aıyppul salǵan polıtseılerdiń ústinen shaǵym túsirip jatqan azamattardyń aryzymen aınalysýyn surady, dep habarlaıdy «QazAqparat» HAA tilshisi.
Belgili bolǵandaı, qala turǵyndary úlken aıaldamalarda jol polıtseıleriniń kúzetip turǵany úshin shaǵym túsirgen. Alaıda olar adamdarǵa kómektesý úshin turmaǵan. Polıtsııa qyzmetkerleri aıaldamada tońyp turǵan adamdardy úıine nemese jumystaryna tegin jetkizý úshin toqtaǵan júrgizýshilerge aıyppul salǵan.
Polıtsııa bastyǵy Dáýir Ybyraevtyń aıtýynsha, mundaı faktiler nazarǵa alynady. Eger júrgizýshilerdiń adamdardy úılerine tegin jetkizgenderi úshin aıyppul salynǵany ras bolsa, onda aıyppul salǵan polıtseıler jazaǵa tartylady, dep sendirdi polıtsııa.
