Óskemendikter oıynshyq myltyqpen dúken tonaǵan
ÓSKEMEN. QazAqparat - Óskemende azyq-túlik dúkenine qaraqshylyq shabýyl jasaǵan kúdiktiler qolǵa tústi, dep habarlaıdy «QazAqparat» HAA tilshisi.
20 naýryz kúni «102» jelisine qaladaǵy azyq-túlik dúkenderiniń biriniń satýshysynan qońyraý túsken. Onyń aıtýynsha, betperde kıgen belgisiz eki er adam tapanshaǵa uqsas zatpen qorqytý arqyly, dúkendegi aqshany alyp ketken. Zaşıta aýdanynda ornalasqan dúkende kesh mezgilinde satýshydan basqa eshkim bolmaǵan.
Oqıǵa ornyna jedel jetken tártip saqshylary istiń mán-jaıyn anyqtap,beınebaqylaý kameralaryndaǵy kórinisti qarap shyqty. Satýshy shabýyl jasaǵan adamdardyń bet-beınesin túsindirip bere almaǵan.
Birneshe kúnnen soń qylmysqa qatysy bar degen kúdikpen 25 jáne 30 jastaǵy oblys ortalyǵynyń eki turǵyny qolǵa tústi. Olardy bireýiniń buǵan deıin qylmystyq jaýapkershilikke tartylǵany belgili boldy. Tergeý barysynda tapanshanyń oıynshyq bolǵany jáne olar tonaǵan aqsha kólemi 8 myń teńge ekendigi anyqtaldy.
Qazir QR QK 192-baby 2-bóligi boıynsha sotqa deıingi tergeý jumystary júrip jatyr.
foto:nikvesti.com
