Óskemendikter qoqysqa toly jaǵajaıda sýǵa túsip júr
ÓSKEMEN. QazAqparat - Óskemenniń shet jaǵynda ornalasqan «Zemsnarıady» nemese el aýzynda «Qazanshuńqyr» dep atalatyn jaǵajaı qazir qaraýsyz qalǵan, dep habarlaıdy QazAqparat Altaynews-ke silteme jasap.
Kezinde bul jer el aǵylyp jatqan, úlken jaǵajaılardyń biri bolatyn. Búginde ol resmı túrde sýǵa túsetin oryndardyń qataryna jatqyzylmaıdy. Degenmen, qaraýsyz qalsa da, munda áli de demalýshylar azaıatyn emes.
Jaǵajaı nesimen tanymal? Demalýshylardyń aıtýynsha, bul jer shomylýǵa óte yńǵaıly. Jaǵasy tegis, aǵysy baıaý, sýy jyly. Biraq jaǵajaı keıipinen múlde aıyrylypty.
-Tym bolmasa qoqysty jınap tursa, - deıdi demalýshylar.
Qala turǵyndarynyń aıtýynsha, mundaǵy qoqys shomylý maýsymy bastalǵaly beri jınalmaǵan. Demalýshylardyń kóptigine baılanysty qoqys ta taý-taý bolyp úıilip qalypty. Qoıylǵan konteınerlerden asyp, tógilip jatyr. Úıilgen qoqystyń jaǵany da, sýdy da antısantarlyq kúıge túsiretini aıtpasa da belgili. Tek qoqys qana emes, jaǵada shashylǵan áınektiń synyqtary da adam ómirine qaýip tóndiredi.
