Óskemendikter «Gaýhar lıganyń» trıýmfatory Olga Rypakovany kútip aldy
ASTANA. QazAqparat - Óskemen áýejaıynda Olımpıada chempıony, «Gaýhar lıga - 2017» altyn medaliniń ıegerin qala sportshylary, sport áýesqoılary men ShQO dene shynyqtyrý jáne sport basqarmasynyń ókilderi saltanatty túrde kútip aldy.
ShQO DShSB baspasóz qyzmeti habarlaǵandaı, Qazaqstannyń ataqty jeńil atleti óziniń álemdik jetistigin taǵy bir márte dáleldedi. Tserıýhtiń «Lettsıgrýnd» stadıonynda ótken «Gaýhar lıga-2017» jarysynyń sheshýshi sátinde shyǵysqazaqstandyq jeńil atlet Olga Rypakova úsh qarǵyp sekirýden keremet kórsetkishke ıe bolyp, senimdi túrde «altyn» ıelendi. Olımpıada chempıonynyń kórsetkishi 14.55 metrdi qurady. 
«Týǵan qalam ádettegideı qýana qarsy aldy. Maǵan qoldaý kórsetken barlyq jankúıerlerim men jerlesterime alǵysymdy bildiremin. Sizderdiń qoldaýlaryńyz maǵan kúsh beredi. Sizderdiń arqalaryńyzda «Gaýhar lıga» kezeńinde altyn medal ıelendim», - dedi Olga Rypakova.
Aıta keteıik, Londonda ótken álem chempıonatynda Olga qola medal ıelengen bolatyn. Ol joly sportshy 14.77 metr kórsetkishpen ıÝlımar Rohaz (Venesýela) jáne Katerın Ibargýenge (Kolýmbııa) jol berdi. Alaıda, bul joly tórtinshi talpynysta jeńil atlet 14.55 kórsetkishpen qarsylastarynan ozyp shyqty. Ekinshi oryndy ıÝlımar Rohaz (14.52 metr), al, úshinshini - Katerın Ibargýen (14.48 metr) ıelendi.
