Óskemendikten «1916 jyl» degen naqyshtamaly «Bebýt» qanjary tárkilendi
ÓSKEMEN. QazAqparat - 46 jastaǵy óskemendik qarýdyń túr-túrin jasyryp kelgen, dep habarlaıdy QazAqparat tilshisi.
ShQO ishki ister departamenti baspasóz qyzmetiniń habarlaýynsha, uıymdasqan qylmyspen kúres basqarmasynyń qyzmetkerleri zańsyz saqtalǵan qarýlardy tárkilegen. Belgisiz adamnyń tirkelmegen atys qarýyn asynyp júrgeni týraly habardy estigen saqshylar 46 jastaǵy turǵynnyń úıinen birneshe qarý tapqan. Tintý kezinde bir oıyq uńǵyly vıntovka, eki tegis uńǵyly atys qarýy, 16-kalıbrli patrondar tabylǵan.
Krımınalıstıka mamandary barlyq qarý qoldanysqa jaramdy degen tujyrymǵa kelip otyr.
Úıden atys qarýlarynan bólek «1916 jyl» degen naqyshtamasy bar «Bebýt» qanjary, eki kezdik tabyldy. Mamandar sýyq qarýlardy da zertteýge aldy.
Osy iske baılanysty Qylmystyq kodekstiń 287-babynyń 1-tarmaǵy boıynsha sotqa deıingi tekeserý júrgizilmek. Qarýdyń shyǵý tarıhy men saqtalý maqsaty anyqtalatyn bolady.
Aıta keteıik, byltyr Shyǵys Qazaqstanda zańsyz saqtalǵan 200 qarý tárkilengen. Onyń 20-sy oıyq uńǵyly bolsa, 141-i tegis uńǵyly bolǵan.
