Óskemendik jigitti «seriktesteri» sazǵa otyrǵyzyp ketti
ÓSKEMEN. QazAqparat – 32 jastaǵy Óskemenniń turǵyny tanystarymen birge kásip ashamyn dep, 1 mln teńgesinen aıyrylyp qaldy, dep habarlaıdy QazAqparat tilshisi.
31 jáne 32 jastaǵy tanystaryna sengen turǵyn metall synyqtaryn qabyldaıtyn oryn ashý úshin seriktesterine 1 mln 30 myń teńgeni ustatyp qoıa bergen. Ol ekeýi aqsha qoldaryna tıgen kúni-aq habarsyz ketken.
«Óskemen qalalyq polıtsııa basqarmasyna 32 jastaǵy turǵyn kelip, óziniń eki tanysyna aldanyp qalǵanyn habarlady. Jedel izdestirý sharalarynyń arqasynda oblys ortalyǵynyń 2 turǵyny ustaldy. Ekeýi de kinálaryn tolyq moıyndady», - deıdi ShQO polıtsııa departamentiniń baspasóz qyzmetiniń basshysy Aıgerim Nurǵazına.
Qazir kúdiktilerge qarsy QR qylmystyq kodeksiniń 190 babynyń 2 bóligi boıynsha sotqa deıingi tergeý júrip jatyr.
