Óskemendik jigit ońtústiktiń 6 aýdan ákimin aldap ketti
ShYMKENT. QazAqparat - Óskemen qalasynyń turǵyny OQO-nyń aýdan ákimderinen alaıaqtyq jolmen mıllıon teńgeni alyp ketken. Bul týraly Ál-Farabı aýdandyq sotynyń sýdıasy Sábıt Tórehanov aıtty, dep habarlaıdy QazAqparat tilshisi.
Іsti qarap jatqan sýdıanyń aıtýynsha, alaıaqtyq qylmysyn jasady dep qamaýǵa alynǵan kúdikti burynǵy fýtbolshy bolǵan. Ol buǵan deıin de alaıaqtyq qylmysy úshin jaýapkershilikke tartylǵan eken.
Sot barysynda anyqtalǵandaı, 25 jastaǵy jigittiń alaıaqtyq áreket jasamas buryn ashyq aqparat kózderi men memlekettik organdardyń saıtynan aýdan ákimderiniń aty-jónderin, sol aýdandardyń eń ózekti degen áleýmettik máselelerin ábden zerttep alǵan. Ashyq túrde alty ákimge habarlasyp, ózin «Ońtústik Qazaqstan oblystyq ákimdiginiń qyzmetkerimin» dep tanystyrady. Sóıtip aýdan basshylarynan qaıyrymdylyq sharaǵa dep árqaısynan mıllıon teńgeden qarjy alǵan.
Tergeý barysynda sońǵy aýdan ákimi oblys ákimdigine habarlasyp, sondaı qyzmetker jumys isteı me dep surap alypty. Sol kezde ǵana jigittiń alaıaqtyq qylmyspen aınalysyp júrgeni anyqtalǵan. Ol quzyrly organdarmen ustalyp, sol kúni aq qamaýǵa alynǵan. Qazir Ál-Farabı aýdandyq sotynda alaıaqtyq áreket jasaǵan degen aıyptalýshyǵa qatysty alǵashqy sot otyrysy ótti.
Kelesi sot protsesi osy aptanyń sońyna josparlanǵan.
