Óskemendik jigit qymbat kólik urlaımyn dep 2 mln teńge tóleıtin boldy
ÓSKEMEN. QazAqparat - 20 jastaǵy óskemendik jigit aýlada turǵan «Toyota Land Cruiser» ruqsatsyz aıdap ketken. Onymen qoımaı, sońyna túsken polıtsııadan qashamyn dep, beton bógetke soǵylyp, kólik ıesine 2 mln teńge shyǵyn keltirdi, dep habarlaıdy QazAqparat tilshisi.
Shildeniń 23-inen 24-ne qaraǵan túninde «Toyota Land Cruiser» kóligi urlanady. 42 jastaǵy kólik ıesi urlyq oqıǵasy Myza kóshesinde bolǵanyn mámlimdegen. Bul dabylǵa saqshylar da erekshe saqtyq tanytyp, 10 mınýttyń ishinde kúdiktiniń sońyna túsedi. Polıtsııa leıtenanttary Rýstam Imambaev pen Qaırat Elýbaev urlanǵan kóliktiń artynan qalmaı ere bergen. Qashqyn Kırov kóshesindegi aýlalardyń birine tyǵylmaq bolǵan kezde beton bógetke soǵylyp baryp toqtasa kerek.
«Kúdikti kólikten túse qashpaq bolǵan kezde ustaldy. Onyń kólik esigin qalaı ashqany qupııa kúıinde qalyp otyr. Salonda otaldyratyn qosymsha kiltter toptamasy bolǵan. Sol arqyly kólik otalǵan. Iesi soǵylǵan kólikti jóndeýge 2 mln teńge surap otyr» - delingen oblystyq ishki ister departamenti taratqan aqparatta. Osy is boıynsha Qylmystyq kodekstiń 200 babynyń 1 tarmaǵy boıynsha sot aldy tekserý bastaldy.
