Óskemendik jasóspirimder týysqanynyń úıin órtep jiberdi
ÓSKEMEN. QazAqparat - 2002 jáne 2003 jylǵy eki jasóspirim týysynyń úıine urlanyp kirip, abaısyzda órtep alǵan, dep habarlaıdy QazAqparat tilshisi.
Qalalyq tótenshe jaǵdaı basqarmasynyń habarlaýynsha, oqıǵa aqpannyń 3-inen 4-ine qaraǵan túni bolǵan. Jasóspirimder týystarynyń Ertis kóshesindegi jer úıine kiltin urlaý arqyly kirgen. Ózgeniń shańyraǵyn óz úıindeı kórgen jetkinshekter túni boıy ishimdik ishedi. Bul árekettiń sońy tótenshe oqıǵaǵa ulasyp, kórshileri órt sóndirýshilerdi shaqyrǵan. Qutqarýshy jasaq kelgende úıdiń shatyry túgel janyp ketken bolatyn. 25 sharshy metrge jaıylǵan otty sóndirý úshin arnaıy jasaq 30 mınýt arpalysypty. Órt sóndirýshiler jetip úlgergenshe Igor esimdi turǵyn jasóspirimderdi qaýipsiz jerge alyp shyǵyp, jedel járdem kóligine tapsyrǵan. Qutqarýshy óziniń tolyq aty-jónin bilgisi kelgenderge tegin aıtýdan bas tartypty.
