Óskemendik volonterler blokposttaǵy qyzmetkerlerge shaı men baýyrsaq taratty
ÓSKEMEN. QazAqparat - Óskemendik volonterler blok beketterde turǵan adamdarǵa ystyq shaı men baýyrsaq usyndy, dep habarlaıdy QazAqparat ShQO Aqparat ortalyǵyna silteme jasap.
Elimizde jarııalanǵan tótenshe jaǵdaıǵa baılanysty 2 sáýirden bastap Óskemen men Semeı qalalaryna kirý-shyǵý joldary jabylyp, blokposttar qoıyldy. Quqyq qorǵaý organdary men medıtsına salasynyń mamandaryna, sondaı-aq áskerı qyzmetkerlerdiń moıynyna úlken jaýapkershilik júkteldi.
Olarǵa qoldaý kórsetý maqsatynda shyǵysqazaqstandyq jastar «Jylý syıla» aktsııasyn uıymdastyrdy. Sóıtip, 15 volonter blok beketterde kúni-túni isteıtin áskerıler men quqyq qorǵaý organdarynyń qyzmetkerlerine, sondaı-aq medıtsına salasynyń qyzmetkerlerine ystyq shaı men baýyrsaq usyndy.
«Biz birgemiz! Mundaı qıyn kezeńde bir-birimizge qoldaý kórsetýimiz kerek. Sondyqtan da «Jylý syıla« aktsııasyn qolǵa aldyq. Endi muny Nur-Sultan men Almaty qalalarynda eńbek etip júrgen áriptesterimizge joldaımyz», - dedi erikti jastar.
Budan bólek, shyǵysqazaqstandyq volonterlar blok beketterge aıaldaǵan júrgizýshilerge koronavırýs ınfektsııasynan saqtanýdyń joldary kórsetilgen jadynama taratty.
