Óskemendik voleıbolshy jigitter Ulttyq lıgadaǵy el chempıonatynda alǵashqy upaılarǵa ıe boldy
ALMATY. 10 jeltoqsan. QazAqparat - Pavlodarda voleıboldan Ulttyq lıgadaǵy erler komandalary arasynda ótip jatqan HHІ Qazaqstan chempıonatynyń 2-shi týrynda atyraýlyqtar týrnır kestesinde kósh bastaýda.
Olar alǵashqy kezdesýde qyzyljarlyqtardy («Esil») - 3:1, oraldyqtardy («Kondensat») 3:2 esebimen utyp, 19 upaımen birinshi orynǵa kóterildi. Olardan bir oıyny kem almatylyqtar 15 upaımen ekinshi orynda tur. Al almatylyqtarmen birdeı upaı jınaǵanmen, bir oıyny artyq pavlodarlyqtar úshinshi orynǵa ornalasty. Odan keıingi oryndardy 12 upaımen «Kondensat» pen «TNK Qazhrom» (Hromtaý) jáne 6 upaıy bar qyzyljarlyqtar men jarys qojaıyndaryn 3:2 esebimen utyp, alǵashqy 2 upaıyn oljalaǵan óskemendikter («Shyǵys-QorǵasynQurylys») túıindeýde.
Búgin endi «Esil» men «Kondensat», «Shyǵys-QorǵasynQurylys» pen «Almaty» ózara kúsh synasýda. Buǵan deıin qyzyljarlyqtar atyraýlyqtarǵa 1:3 bolyp utylsa, oraldyqtar óskemendikterdi 3:0 esebimen jeńip, atyraýlyqtarǵa 2:3 esebimen utylǵan bolatyn.
