Óskemendik stýdent gaz tútikterin tekseretin ámbebap robot jasap shyǵardy

ÓSKEMEN. QazAqparat - Óskemende joǵary polıtehnıkalyq kolledjdiń stýdenti Vadım Shagalov gaz tútikterin tekseretin ámbebap robotty jasap shyǵardy. Bul jóninde QazAqparat ShQO aqparat ortalyǵyna silteme jasap habarlaıdy.

Bolashaqta jas ónertapqyshtyń bul ónertabysy oblys ortalyǵyndaǵy zaýyttarda is-tájirıbe júzinde qoldanylady dep josparlanǵan.

Búgin atalmysh jobanyń tusaýkeseri ótti. Vadım Shagalovtyń aıtýynsha, osy robottyń kómegimen gaz tútikterindegi kedergilerdi anyqtaýǵa bolady.

Robotty telefon nemese noýtbýktiń kómegimen basqarýǵa múmkindik bar.

«Shyny kerek, jobaǵa aldaǵy ýaqytta birqatar tolyqtyrý engizý qajet. Robottyń elektrondy bóligin Arduino, Raspberry Pi jáne SLAMTEC sııaqty apparattyq-baǵdarlamalyq quraldardyń kómegimen jabdyqtadym. Jalpy, bul robot arqyly qol jetpeıtin jerdegi olqylyqtardy anyqtap, ony foto-vıdeoǵa túsirýge bolady», - defdi Vadım Shagalov.

Shara sońynda kolledj dırektory Vadım Shagalovqa jyly lebizin bildirip, alǵys hat tabys etti.