Óskemendik snoýbordshy jattyǵý kezinde mertikti
ÓSKEMEN. QazAqparat - «Altaı alppınısi» shańǵy bazasynda snoýbordshy Nadejda Sosnova mertigip qaldy, dep habarlaıdy QazAqparat tilshisi
Kezekti jattyǵýlardyń birinde snoýbordshy úlken jyldamdyqpen elektr baǵanasyna soǵylyp, tomardyń ústine túsken. Sportshy sol mezette Óskemen qalasyndaǵy №1 aýrýhananyń jansaqtaý bóliminde jetkizilgen.
Onyń janynda bolǵan jaqyndary áleýmettik jeli arqyly tórtinshi toptyń qany kerektigin habarlady.
«Tomardyń ushy úshkir bolatyn. Nadejda baǵanaǵa betimen soǵylyp baryp, tomarǵa qulady. Qazir onyń jaǵdaıy aýyr. Ókpesi men búıregi bólinip, moıny shyǵyp ketken» - dep jazdy jaqyndary áleýmettik jelide.
Aýrýhana mamandary qajetti qan jetkilikti mólsherde jınalǵanyn aıtyp otyr. Qazir Nadjeda Sosnova esin jıǵan. Dárigerler onyń jaǵdaıyn «turaqty aýyr» dep baǵalady.
Bul oqıǵanyń anyq-qanyǵyn oblystyq dene shynyqtyrý jáne sport basqarmasynyń mamandary anyqtamaq.
-Snoýbordshynyń jaǵdaıyn bilip otyrmyz. Búgin tústen keıin óz kúshimen tynys ala bastady. Oqıǵanyń sebep-saldaryn basqarma mamandary tekseredi, - deıdi basqarmanyń baspasóz qyzmetiniń basshysy Eljan Qaıyrhanov.
