Óskemendik saqshy qyzmetten tys ýaqytta qylmystyń jolyn kesti
ÓSKEMEN. QazAqparat - Óskemendik saqshy tonaýǵa túsken áıeldi qutqaryp qaldy, dep habarlaıdy QazAqparat tilshisi.
Oqıǵa ekinshi jeltoqsan kúni, keshki saǵat 17.30-da bolǵan. Jol-patrýldik polıtsııa batalonynyń ınspektory Rústem Qasymjanov kómek surap aıqaılaǵan áıeldiń daýsyn estip, júgiredi. Qazaqstan kóshesinde áıeldiń sómkesine jarmasqan jigit polıtsııa leıtenanty bettegen tusta qasha jóneledi. Saqshy tonaýshyny kóp uzatpaı ustap, «102» nómiri arqyly polıtsııa shaqyrǵan.
«Tonaý áreketine qatysty kúdiktige qarsy qylmystyq is qozǵaldy» delingen oblystyq ishki ister departamenti taratqan aqparatta.
