Óskemendik polıtseıler epılepsııamen aýyratyn qyzdyń ómirin saqtap qaldy
Qalalyq Polıtsııa basqarmasy baspasóz qyzmetiniń málimetine súıensek, tártip saqshylary qyzdy epılepsııa ustamasy kezinde qutqaryp qalǵan.
«Qyz ben jigit dámhanaǵa kelgen, Sol kezde 19 jastaǵy boıjetkenniń kenetten epılepsııasy ustap qaldy. Osy mańda kezekshilikte júrgen polıtsııa qyzmetkerleri kómekke umtyldy», - delingen aqparatta.
Patrýldik polıtseıler jedel áreket etip, qyzdy kólikpen №1 qalalyq aýrýhanaǵa jetkizdi. Dárigerler qyzǵa qajetti kómek kórsetken.
«Sol kúni Polıtsııa basqarmasynyń patrýldik polıtsııa batalonynyń ınspektorlary aǵa leıtenanttar Álı Qasymqanov pen Jasulan Tursynǵalı kezekshilikte boldy. Olar qyzǵa der kezinde kómekke keldi. Qazirgi kezde boıjetkenniń jaǵdaıy jaqsy. Onyń úıine oralǵanyna qýanyshtymyz», - dedi basqarma bastyǵynyń birinshi orynbasary Oral Ryspaev.