Óskemendik polıtseıler aıyppuldy planshetpen rásimdeýde
ÓSKEMEN. QazAqparat - Óskemendik saqshylar aıyppuldy planshet arqyly rásimdeýge kóshti, dep habarlaıdy QazAqparat tilshisi.
Tsıfrlyq tehnologııalar quqyq qorǵaý qyzmetine de engizile bastady. Óskemendegi jol-patrýldik polıtsııa qyzmetkerleri 100 planshetpen jabdyqtalǵan. Eń áýeli bul saqshylardyń ýaqytyn únemdeıtin kórinedi.
«Buryn bir aıyppuldy rásimdeý úshin kem degende 15-20 mınýt ketetin. Ereje buzǵan adamnyń derekqordaǵy málimetterin kezekshiden bilýge týra keletin. Al qazir planshetke azamattyń JSN-nyn terip qalsańyz, barlyq derek shyǵa keledi. Eger ereje buzýshi óz aıybyn moıyndasa, planshettiń betine arnaıy qalamsappen qol qoıady. Al saqshy onyń qolyna aıyppul túbirtegin shyǵaryp beredi. Buryn kezekten túskende barlyq aıyppuldyń kóshirmesin tapsyrý kerek bolatyn. Al planshet arqyly rásimdelgen qaýlynyń bári avtomatty túrde bazaǵa kiredi. Sonyń arqasynda bir aıyppulǵa 4-5 mınýt qana ketedi» - deıdi polkovnık Dáýir Ibraev.
Jyl basynan beri Shyǵys Qazaqstan boıynsha 23 myń hattama elektrondy formatta rásimdelgen.
