Óskemendik órtengen úıden eki balany qutqardy
ASTANA. QazAqparat - Óskemen turǵyny Mıhaıl Rybolov órttiń qurbany bola jazdaǵan eki balany qutqaryp qaldy, dep habarlaıdy QazAqparat ShQO TJD baspasóz hatshysy Anastasııa Sklıarǵa silteme jasap.
«Tanysyp qoıyńyzdar, myna sýrettegi jigit kúni keshe órttiń tutqynynda qalǵan eki balany qutqaryp aldy. Oqıǵaǵa kýá bolǵan Mıhaıl laýlaǵan órt pen tútinge qaramaı, baspaldaqpen ekinshi qabattyń terezesi arqyly úıge enip, eki balany syrtqa alyp shyqqan», - dep habarlaıdy Anastasııa Sklıar Feısbýk paraqshasynda.
Belgili bolǵandaı, oqys oqıǵa 25 qarashada Óskemen qalasynyń «Vostochnık-6» saıajaıyndaǵy Arsenev kóshesinde tirkelgen. Jeke turǵyn úıdiń shatyryn tilsiz jaý sharpyp, kórshiler birden órt sóndirý qyzmetine habar bergen. Alaıda atalmysh úıdiń kórshisi Mıhaıl Rybolov órt sóndirýshilerdiń kútpesten, eki balany qutqarýǵa umtylǵan.
Oqıǵa ornyna jetken órt sóndirýshiler jarty saǵattyń ishinde tilsiz jaýdy aýyzdyqtady. Qazirgi ýaqytta órttiń shyǵý sebepteri anyqtalyp jatyr.
