Óskemendik órt sóndirýshiler 4 adamdy qutqardy
ASTANA. QazAqparat - Búgin tańerteń Óskemenniń órt sóndirýshileri 4 adamdy qutqaryp, 78 adamdy kóshirdi.
Órt Sátbaev dańǵylyndaǵy toǵyz qabatty úıdiń 5 qabatynda shyqqan, dep habarlaıdy ShQO TJD Órt sóndirý jáne avarııalyq-qutqarý jumystary qyzmeti. 
Órt sóndirý qyzmeti oqıǵa ornyna 5 mınýtta kelip jetti. Kórshiler páterde múgedek adamnyń turatynyn aıtty. Órt sóndirýshiler bir sát te bolsyn kidirmesten esikti buzyp, tynys alý apparatyn kıip alyp páterge kirip ketti. 1978 jyly týǵan, 2-toptaǵy múgedek er adam tósekte jatqan. Jigitter dereý ony órtený oshaǵynan alyp shyǵyp, jedel járdemge tabystady, ol zardap shekken joq.
"Úıdiń dálizi qoıý qara tútinge tolyp ketti, órt sóndirýshiler kórshi páterdegi 1930 jyly týǵan egde adam men 2 balany dalaǵa alyp shyqty. Sonymen qatar úıden 78 adamdy evakýatsııalady. Jalyn birneshe mınýttyń ishinde sóndirildi. Zardap shekkender men qurban bolǵandar joq", - delingen habarlamada.
Tilsiz jaýdy aýyzdyqtaýǵa 3 tehnıka men jeke quramnan 11 adam jumyldyryldy.
Órttiń otpen abaısyz bolý jáne elektr quraldaryn montajdaý jáne paıdalaný kezinde qaýipsizdik tehnıkasynyń erejelerin saqtamaý saldarynan bolý múmkindigi qarastyrylýda.
