Óskemendik quqyq qorǵaýshylar 1 keliden astam geroın tárkiledi
ASTANA. Qyrkúıektiń 22-si. QazAqparat /Marlan Jıembaı/ - Polıtsııa qyzmetkerleri Óskemen qalasy turǵynynyń páterinen 1 keliden astam esirtkiniń eń aýyr túri geroın tárkiledi. Bul týraly búgin elordada QR Іshki ister mınıstrliginiń resmı ókili Qýanyshbek Jumanov málim etti.
Onyń atap ótýinshe, Shyǵys Qazaqstannyń oblys ortalyǵynan Reseıdiń Bıısk qalasyna attanǵaly turǵan poıyzǵa jolaýshylardy otyrǵyzý barysynda quqyq qorǵaý qyzmetkerleri jergilikti azamatshanyń jeke zattaryn tekserý kezinde 50 gramm esirtki zatyn tárkilegen. Al atalǵan azamatshanyń páterin tintý barysynda taǵy da 1 keliden astam geroın tabylǵan.
«Ustalǵan azamatsha ýaqytsha oqshaýlaý ornyna qamalyp, esirtki zatyn satý faktisi boıynsha qylmystyq is qozǵaldy», dedi resmı ókil.
QR Іshki ister mınıstrliginiń derekterine sáıkes, ótken apta ishinde esirtki qylmysyna qatysty 189 is anyqtalsa, onyń 44-i esirtki zattaryn satýmen baılanysty bolyp otyr. Osy ýaqytta tárkilengen esirtki zattary 890 keliden asady. Onyń ishinde 3 kelige jýyq esirtkiniń eń aýr túri - geroın bar.
