Óskemendik kásipker sottalǵan 20 azamatty jumysqa qabyldady

ÓSKEMEN. QazAqparat – Óskemen qalasynda sottalǵan 20 azamat jergilikti JShS-lardyń birine qaptaýshy jáne bólshektep ólsheýshi bolyp jumysqa ornalastyryldy, dep habarlaıdy QazAqparat tilshisi.

ShQO boıynsha Qylmystyq-atqarý júıesi departamenti baspasóz qyzmetiniń málimetine súıensek, 156/22 mekemesiniń qyzmetkerleri sottalǵandardyń jumysqa ornalasýyna kómek kórsetti. Endi olar qaladaǵy iri JShS-lardyń birinde qaptaýshy jáne bólshektep ólsheýshi bolyp eńbek etip, tabys tabady.

Júrgizilgen taldaý kórsetkendeı, qaıtadan qylmys jasaıtyndardyń basym bóligi – turaqty jumys ornyn tappaǵandar. Quqyq buzýshylyqtyń aldyn alý maqsatynda oblystyń qylmystyq-atqarý júıesi departamenti tarapynan tıisti sharalar atqarylýda.

«Sottalǵandardy jumysqa ornalastyrý kolonııa men probatsııa qyzmetkerleriniń negizgi mindetteriniń biri. Máselen, taıaýda Óskemendegi kompanııamen yntymaqtastyq aıasynda sottalǵandardy jumysqa ornalastyrý týraly kelisim jasalǵan. Búgingi tańda 20 sottalǵan azamat jumyspen qamtyldy. Olar endi aı saıyn jalaqy alyp, paıda tabady», - delingen aqparatta.