Óskemendik kásipker qazaq tilin oqytý kýrsyn ashty

ÓSKEMEN. QazAqparat - Óskemen qalasynyń kásipkeri ıAroslav Kýshnarev qazaq tilin oqytý kýrstaryn ashty, dep habarlaıdy QazAqparat tilshisi.

ıAroslavtyń mamandyǵy - tis dárigeri. Stomatologııalyq bıznespen tabysty aınalysyp júrgenine on jyldan asqan. Qazaq tilin oqytý ortalyǵyn ashý ıdeıasy kezdeısoq jaǵdaı emes. Bıznesmenniń aıtýynsha, bunyń oryndy sebebi bolǵan.

«Taıaýda qazaq tilin meńgergim keldi, biraq tıimdi kýrstar taba almadym. Sosyn, ózim ashýdy sheshtim. Onyń aldynda áleýmettik jelilerde suraý júrgizdim. Nıet bildirgender kóp boldy. Bárin oılastyryp, sheshim qabyldadym. Joba quryp, oqytýshyny taptym, onymen birge oqytý baǵdarlamasyn daıyndadyq, jalǵa bólme alyp, oǵan jıhaz, keńse zattaryn, oqýlyqtar satyp aldym. Jumys bastalyp ketti. Aıta keteıin, bizdiń oqytýshymyz - eńbek ótili úlken pedagog, ýnıversıtette qyzmet etken, oblys ortalyǵynyń iri kásiporyndary úshin oqytý baǵdarlamasyn ázirlegen», - deıdi «Qazaq Zerde» JShS-niń negizin quraýshy ıAroslav Kýshnarev.

«48 caǵatta bazalyq qazaq tili» kýrstary úsh aı buryn bastalǵan. Ázirge oǵan 15 adam baryp júr. Ár toptyń 4-5 tyńdarmany bar. Qazaq tilin meńgerýge nıet bildirgenderdiń kóbi - orys ultynyń ókilderi. Olardyń jasy - 27-40 aralyǵynda.

Bıznesmenniń aıtýynsha, bul negizinen, ózi sııaqty kásipkerler. Toptardy qurmaq buryn, ıAroslav oqytylýshynyń qazaq tilin bilý deńgeıin, oǵan tildi meńgerý ne úshin qajet ekenin jáne kýrstarǵa qaı ýaqytta qatysý yńǵaıly ekenin anyqtaıdy.

Kýrstarǵa qatysýshylardyń kóbi bastapqy deńgeıde, ıaǵnı, eń birinshi sóıleý tilin meńgergisi keletinder bar, deıdi ıAroslav. Mundaǵy sabaqtar aptasyna eki-úsh ret eki akademııalyq saǵattan ótkiziletini josparlanǵan.

Avtor: Lıýdmıla Malko