Óskemendik ǵalym ózin-ózi saýyqtyratyn nanountaq jasap shyǵardy
ÓSKEMEN. QazAqparat - Óskemendik ǵalym Alekseı Bashkırtsev adamnyń ózin-ózi saýyqtyrýyna yqpal etetin ósimdik nanountaǵyn jasap shyǵardy, dep habarlaıdy «QazAqparat» HAA tilshisi ınfoortalyqqa silteme jasap.
Alekseı Bashkırtsev jasap shyǵarǵan bıobýtanol (bıojanarmaıdyń bir túri) synaqtan sátti ótti.
Budan bólek ǵalymnyń aıtýynsha, ol ozyq nanotehnologııanyń kómegimen kúshti saýyqtyrý áseri bar ósimdik untaqtarynyń erekshe túrin oılap tapqan.
Ǵalym men onyń jasap shyǵarǵan dári-dármekteri Eýrazııa óńiriniń 30 eli arasynda ótkiziletin Halyqaralyq kásiporyndar men kásipkerleri konkýrsynda moıyndaldy.
«Seni elep-eskerip jatsa, qandaı keremet! - dep bólisti Alekseı Alekseevıch óz áserimen.
«Bul degenimiz - biz basqalardan kem emespiz, tipti keı jerlerde olardan artyqpyz. Men qoǵamdyq mańyzǵa da, memlekettik mańyzǵa da ıe jańa ıdeıany alǵa tarttym. Bul - halyqty saýyqtyrý jáne nashar ekologııanyń saldarymen kúresý. Bul ıdeıanyń aty - fıtomılly».
Ǵalymnyń oılap tapqan dúnıesi - «fıto» - ósimdik, «mılly» - tartqysh, usaqtaý degen maǵynany bildiredi. ıAǵnı, ósimdik usaǵynyń erekshe formasy. Adamnyń aǵzasy ózin-ózi emdeý úshin kúnine atalmysh dáriden bir sháı qasyq paıdalansa bolǵany.
