Óskemendik eriktiler múmkindigi shekteýli balalarǵa alǵys aıtty
ÓSKEMEN. QazAqparat - D.Serikbaev atyndaǵy ShQMTÝ stýdentteri 1-naýryzdy múmkindigi shekteýli balalarǵa alǵys aıtýmen túıindedi, dep habarlaıdy QazAqparat tilshisi.
Belsendi jastardan quralǵan «Nurly júrekter» qaıyrymdylyq qory osydan bir jyl buryn jumysyn bastaǵan. Uıymnyń bir jasyn óńirdegi barlyq JOO ókilderi men múmkindigi shekteýli balalar birlesip toılady. Merekelik sharada erikti jastar múmkindigi shekteýli balalarmen juptasyp óner kórsetti.
«Biz bir jyl boıy eshqandaı demeýshiniń kómeginsiz, ózimiz uıymdastyrǵan jármeńkeler men kontsertterden túsken qarjyǵa qaıyrymdylyq jasap kelemiz. Bizdi osyndaı iske jigerlendirip, basymyzdy biriktirgen, izgilikke shabyttandyrǵan taǵdyry erekshe balalarǵa alǵys aıtqymyz keldi» - deıdi uıymnyń jetekshisi Nurgúl Bazylqyzy.
Shara barysynda arbaǵa tańylǵan Rolan Symbatovtyń Qytaıda emdelýine qarjy jınalý kerek bolatyn. «Qaztsınk» JShS Rolannyń emdelýin tolyqtaı óz baqylaýyna aldy. Erikti jastar jyl boıy ózderimen qoıan-qoltyq baılanysta bolyp, birge jumys istegen múmkindigi shekteýli balalarǵa qala jastarynyń atynan alǵys jarııalap, baǵaly syılyqtar tabystady.
